Sunday ( Oct. 24) with my friends...
 |
वाचन प्रेरणा दिवस- प्रश्नमंजुषा WORLD STUDENT DAY- 2021- Quiz...
वाचन प्रेरणा दिनानिमित्त भारतरत्न डॉ. अब्दुल कलाम यांचा थोडक्यात जीवन परिचय खालील ऑनलाईन प्रश्नमंजुषा (Online Quiz) सोडविण्यापुर्वी देण्यात आला आहे.त्या माहितीचे वाचन करा व सहभागाबद्दल प्रमाणपत्र (certificate) मिळवा. Quiz सोडवताना email id काळजीपूर्वक नोंदवा.
Best of Luck
Listen to AIR Ratnagiri Maharastra live online
Listen to AIR Ratnagiri Maharastra live online: Listen to AIR Ratnagiri Indian Radio Stations, broadcast from Maharastra via radioindialive.com | Radio India Live
दीपस्तंभ... समाजश्रेष्ठी जगन्नाथभाई पेडणेकर
कवयित्री शांताबाई शेळके अस म्हणत,' जगण म्हणजे अनंत प्रश्नांना तोंड देणे. सुखासीन सामान्य अवस्थेत आपल्याशी असलेल्या निर्मितीक्षम गुणांचा आपणास पत्ता नसतो. ते गुण बिकट अवस्थेत जास्त आवेगाने उसळून येतात व त्यातून आपल्याला स्वतःची वेगळी ओळख निर्माण करतात. अशा पद्धतीने स्वतःची ओळख निर्माण करणारी माणस समाजात दुर्मिळ असतात.' या विचारांशी जुळणार माझ्या दृष्टीने मी आजपर्यंत पाहिलेल्या व्यक्तींमधील एक नाव म्हणजे समाजश्रेष्ठी स्व. जगन्नाथभाई पेडणेकर होय.
परमेश्वराने दिलेले आयुष्य हे स्वतःतील कर्तृत्व, नेतृत्व तसेच दातृत्व याद्वारे वेळोवेळी भाईनी सार्थ ठरवले आहे. वक्तृत्व ही भाईंना मिळालेली हे दैवी देणगी होती. सहज, सोप्या, मधुर शब्दातून उपस्थितांना जिंकून घेत.
लांजा तालुक्यातील तळवडे हे जगन्नाथभाईंचे मूळ गाव. तळवडेचे ग्रामदैवत श्री गांगेश्वर व गावातील हायस्कूल या दोहोंवर भाईंच विलक्षण प्रेम होते. तळवडे मध्ये त्यांचे येणे म्हणजे चैतन्य निर्माण करणारे असायचे. त्यांचे सहकारी, ग्रामस्थ आवर्जून भाईंच्या स्वागतासाठी आपुलकीच्या भावनेने उपस्थित रहात असत. गावात व हायस्कूल मध्ये झालेल्या चांगल्या कामांच कौतुक करत शाबासकीची थाप देत असत. गरजवंतांच्या पाठीशी तन, मन, धनाने उभे रहात असत.
भाईंचे बोलणे हे मिश्कील आणि नर्म विनोदी होते. मोजके पण मौलिक असायचं. त्याचवेळी जे बोलणार ते मनापासून व आश्वासक असे. त्यांच्या त्या शब्दानी मनामनाचे सेतू सहजपणे बांधले जायचे व निर्माण झालेले ऋणानुबंध चिरकाल टिकायचे.
भाई नेहमी म्हणत, " नीतीमत्तेचे काम करत असाल असाल तर तुमच्या पंखांना बळ देण्याचे काम आम्ही करू". असे मनाला खंबीर करणारे त्यांचे शब्द अनेकांसाठी त्यांच्या त्यांच्या जीवनात नक्कीच दीपस्तंभासारखे मार्गदर्शक ठरले असतील. आपण कितीही यशस्वी झालो तरी परिस्थितीची जाण ठेवून, आपल्या आजूबाजूच्या व्यक्तींना न दुखावता त्यांना मदत करणे या अशा इतर गोष्टी भाईनकडून शिकण्यासारख्या होत्या.
तळवडे प्रमाणेच दैवैज्ञ समाजावरही भाईनी उदंड प्रेम केले. आर्थिक , सामाजिक, सांस्कृतिक क्षेत्रात दैवज्ञ समाज अग्रेसर राहिला पाहिजे असे त्यांना मनापासून वाटत असे. ते दैवज्ञ समाजोन्नती परिषदेचे अध्यक्ष होते. जेथे जेथे दैवाज्ञांची वसती, तेथे तेथे दैवज्ञ भवनांची निर्मिती हे जणू धेयवाक्य ठरल्याप्रमाणे आपल्या सहकार्यांच्या जोडीने वाशी, सांगली, मालवण, सावंतवाडी, फोंडा गोवा, रत्नागिरी आदी ठिकाणी दैवज्ञ भवनांची उभारणी करण्यात आली. त्यामुळे समाज एकत्र येण्यास हक्काचे व्यासपीठ निर्माण झाले. त्याचबरोबर महिलांसाठी, युवकांसाठी अनेक विभाग निर्माण केले गेले. त्यातून अनेकांच्या रोजीरोटीचा प्रश्नही सुटला. भाईंच्या नेतृत्वाखाली दैवज्ञ परिषदेचे कार्य चौफेर सुरु झाले. ते आज तागायत चालू आहे असे त्यांचे सहकारी सांगतात.
तळवडे पंचक्रोशीतील विद्यार्थ्यांना शिक्षणाची दार खुली व्हावीत या उद्देशाने तळवडे ग्रामस्थ, हितचिंतक व भाईनी जगन्नाथ गंगाराम पेडणेकर विद्यालय तळवडेची निर्मिती केली. तळवडे येथील कार्याचा सर्वांना निश्चित अभिमान आहे.
जगन्नाथभाईबद्दल प्राचार्य श्याम भुर्के म्हणतात, ' एखाद्या कॅलीडोस्कोपमधून म्हणजे शोभादर्शकातून पाहिल्यास एक सुंदर आकृती दिसते. तो शोभा दर्शक थोडा फिरविल्यास पुन्हा एक सुंदर आकृती दिसते. भाईंचे जीवन असेच आहे. त्यांचे विविध पैलू आपल्याला दिसू लागतात. यशस्वी उद्योजक हा पहिला पैलू दिसतो. कॅलिडोस्कोप जरा फिरविल्यास त्यांचे शैक्षणिक कार्य दिसून येते. महाराष्ट्र सुवर्णकार महामंडळाचे संस्थापक अध्यक्ष, दै. स.प.चे ३० वर्षे अध्यक्ष, राजकीय कला क्षेत्रातील प्रचंड जनसंपर्क, उदारहस्ते आर्थिक मदत करणारा दाट असे अनेक पैलू डोळ्यांपुढे येत राहतात.' भाईसाठी प्रत्येक वर्ष नवनिर्मितीचे व सेवाभावनेने भारलेले असायचे. आज भाईंचा स्मृतिदिन आहे. 11 व्या स्मृतिदिनानिमित्त भाईंना भावपूर्ण आदरांजली!!
- श्री. प्रकाश हर्चेकर, लांजा
THE LION, THE MAN AND THE STATUE
Class - Six 2.2 THE LION, THE MAN AND THE STATUE
Audio Link -
खालील दिलेला ऑडीओ ऐका, समजून घ्या व त्याप्रमाणे प्रश्नांची उत्तरे लिहा.
Class 5th pg 14 Words We Know
Class 5th pg 14 Words We Know
Audio Link -
खालील दिलेला ऑडीओ ऐका, समजून घ्या व त्याप्रमाणे प्रश्नांची उत्तरे लिहा.
सेवानिवृत्ती विशेष! आदर्श व्यक्तिमत्व प्रा. श्री. प्रसाद कुलकर्णी
🌷🌷🌷 सेवानिवृत्ती विशेष!🌷🌷🌷
आदर्श व्यक्तिमत्व प्रा. श्री. प्रसाद कुलकर्णी
आपल्या आयुष्यात येणाऱ्या काही व्यक्ती अशा असतात की , त्यांचा सहवास नेहमीच प्रेरणादायी असतो. असच एक आदर्श व्यक्तिमत्व म्हणजे प्रा. प्रसाद दिगंबर कुलकर्णी. विद्यार्थीप्रिय उपक्रमशील शिक्षक, यशस्वी जेष्ठ पत्रकार तसेच शिक्षण, कला - क्रीडा, सांस्कृतिक क्षेत्रातील क्रियाशील सहभागातून स्वतःचा ठसा उमटवणारे सर दि. 30 एप्रिल रोजी सेवानिवृत्त होत आहेत. त्यांच्या आजवरच्या कार्याचा आढावा घेण्याचा हा प्रयत्न..
सह्याद्री पॉलिटेक्निक, सावर्डे येथे ऑटोमोबाईल इंजिनीअरिंग विभाग प्रमुख म्हणून सेवा बजावल्यानंतर लांजा तालुक्यातील श्रीराम विद्यालय व ज्युनिअर कॉलेज येथे 1990 साली पूर्णवेळ सहाय्यक शिक्षक म्हणून प्रा. कुलकर्णी रूजू झाले. विद्यार्थ्यांना तालुक्यामध्ये व्यावसायिक शिक्षण देणारे हे पहिले विद्यालय असल्याने एका अर्थाने सर व्यावसायिक शिक्षण देणारे तालुक्यातील पहिले पूर्णवेळ शिक्षक ठरले आहेत. त्यांनी दै. तरुण भारतच्या माध्यमातून सोळा वर्षे अव्याहतपणे पत्रकारिता क्षेत्रात काम केल्याने सजग पत्रकार म्हणून नावलौकिक मिळवला आहे.
महाराष्ट्रातील प्रसिद्ध नृसिंहवाडी, ता. शिरोळ हे त्यांचे मूळ गाव असून ते डिप्लोमा ऑटोमोबाईल इंजिनिअरिंग व डिप्लोमा मेकॅनिकल इंजिनिअरिंगमध्ये यश मिळवून निसर्गरम्य कोकणात शिक्षक म्हणून कार्यरत झाले. आपल्या 30 वर्षाच्या सेवा कालावधीत नाविन्यपूर्ण उपक्रम राबवून आपल्या कॉलेजचा नावलौकिक वाढवत विद्यार्थाना व्यावसायिक शिक्षणासाठी जे उत्तमोत्तम देता येईल याचा नेहमी सकारात्मक विचार केला. वाहन निर्मिती करणाऱ्या तसेच विक्री पश्यात वाहनांची देखभाल व दुरुस्ती करणाऱ्या ऑथोराईज्ड डीलर कडे विद्यार्थ्यांना नोकरी मिळवून देण्यासाठी यशस्वी प्रयत्न केले.
सरांचे विदयार्थी मुंबई ,पुणे ,कोल्हापूर सिंधुदुर्ग, रत्नागिरी येथे सेवारत आहेत. आज लांजा शहरातील महामार्गावर ऑटोमोबाईल वर्कशॉपच्या माध्यमातून अनेक विद्यार्थी स्वयं रोजगार करत आहेत. त्यामुळे अनेक विद्यार्थी स्वतःच्या यशामध्ये सरांचेही योगदान बहुमोल असल्याचे आवर्जून सांगतात. स्वतः पत्रकार असल्याने त्यांनी भविष्याचा वेध घेत विद्यार्थ्यांना घडविताना विविध प्रकारचे उपक्रम संस्था, प्रशाला व सामाजिक संस्था यांच्या संयुक्त विद्यमाने हाती घेतले व यशस्वीपणे पूर्ण केले. आपल्या विद्यार्थाना अद्ययावत ज्ञान प्रात्यक्षिकासह मिळण्यासाठी वर्कशॉप आयोजन, ऑटोमोबाईल क्षेत्राशी संबंधित व्याख्याने, ड्रायव्हिंग
लायसन्स बाबत मार्गदर्शन, मुंबई - पुणे येथील विविध प्रशिक्षणे, ऑटोमोबाईल संदर्भातील घडामोडींवर चर्चा सत्रे, आदी उपक्रमात सातत्य राखले.
सजग पत्रकार आणि उपक्रमशील शिक्षक अशी सरांची अल्पावधीत ओळख झाल्याने राष्ट्रीय कामांसह अन्य सामाजिक उपक्रमातील त्यांचा सहभाग सतत वाढत राहिला. संत गाडगेबाबा ग्रामस्वच्छता अभियान समिती, महात्मा गांधी तंटामुक्त मोहीम, लांजा तालुका कबड्डी असोसिएशन, एच. एस. बोर्ड कोल्हापूर येथील व्यावसायिक शिक्षण चर्चासत्र यामध्ये महत्वपूर्ण कामगिरी बजावली.
प्रा. कुलकर्णी यांनी केलेल्या कामाची दखल सामाजिक संस्थांनी घेतली आहे. मनुष्यबळ विकास मंत्रालायमार्फत देण्यात येणारा रत्नागिरी जिल्हा उत्कृष्ट युवा पुरस्कार, महाराष्ट्र पत्रकार संघ पत्रकाररत्न पुरस्कारने तसेच शैक्षणिक व सामाजिक उपक्रमातील योगदानाबद्दल त्यांना सन्मानित करण्यात आले आहे. आजवर त्यांनी अमोल कला मंच, लांजा, नेहरू युवा ऑल मूव्हमेंट ऑर्गनायझेशन, लांजा, अमोल रंगायत्री लांजा, लांजा तालुका टू- व्हीलर असोसिएशन लांजा (संस्थापक अध्यक्ष), स्वरधारा संगीत मंच लांजा, साप्ताहिक सूर्यकिरण(उपसंपादक) यांमध्ये आपले योगदान दिले आहे.
आजवर सरांनी विविध विषयांवर व्याख्याने, स्पर्धांची परीक्षणे केली आहेत. शास्त्रीय व तंत्रशास्त्रीय पुस्तक लेखनाचे काम कठीण मानले जाते. ते आव्हानही त्यांनी स्वतःच्या मेकॅनिकल टेक्नॉलॉजी या
पाठ्यपुस्तक निर्मितीतून लीलया पेलले आहे. आजच्या तंत्रशास्त्रीय शिक्षणासाठी हे पुस्तक दिशादर्शक ठरत आहे.
शिक्षणासाठी वाहून घेतलेले कर्तव्यनिष्ठ सर आज शिक्षक म्हणून सेवानिवृत्त होत आहेत. भविष्यात त्यांनी निश्चित केलेल्या योजना, संकल्पसिध्दीस जावोत या सदिच्छेसह मनःपूर्वक शुभेच्छा!!
- श्री. प्रकाश हर्चेकर, लांजा
पाठ्यपुस्तक निर्मितीतून लीलया पेलले आहे. आजच्या तंत्रशास्त्रीय शिक्षणासाठी हे पुस्तक दिशादर्शक ठरत आहे.
शिक्षणासाठी वाहून घेतलेले कर्तव्यनिष्ठ सर आज शिक्षक म्हणून सेवानिवृत्त होत आहेत. भविष्यात त्यांनी निश्चित केलेल्या योजना, संकल्पसिध्दीस जावोत या सदिच्छेसह मनःपूर्वक शुभेच्छा!!
- श्री. प्रकाश हर्चेकर, लांजा
Subscribe to:
Posts (Atom)